Një ngjarje e rëndë është shënuar në qytetin e Vlorës, ku ka ndodhur një grabitje në mes të qytetit.
Burime zyrtare nga policia bënë me dije se rreth orës 11:05, ka ardhur një telefonatë se në bulevardin “Ismail Qemali”, në argjendarinë në pronësi të shtetases me inicialet E. H., kishte hyrë një shtetas, i cili dyshohet se në kërcënimin e armës së gjahut, ka vjedhur një sasi bizhuterish dhe është larguar.
Falë reagimit të menjëhershëm të shërbimeve të Policisë është bërë e mundur që autori i dyshuar, shtetasi Martin Kapllani, 18 vjeç, të kapej dhe prangosej nga shërbimet e Policisë, në lagjen “Isa Boletini”. Shërbimet e Policisë kanë sekuestruar në cilësinë e provës materiale bizhuteritë e vjedhura dhe armën e gjahut me të cilën kërcënoi pronaren e argjendarisë.
Në drejtimin e Prokurorisë vijon puna për sqarimin e plotë të rrethanave të ngjarjes.
Shitëses së argjendarisëthotë se grabitësi hyri në dyqan dhe bëri thirrje që asnjë të mos lëvizë. Ajo thekson më tej, se nuk e dinë se çfarë arriti të grabiste, pasi ajo ka mundur të dalë nga dyqani.
“Hyri vetë, mos lëvizni tha asgjë tjetër, ika dola nuk pashë çfarë mori”
