Në fshatin Zhamë të Lushnjes, mbrëmë ndodhi një grabitje. Autorja vodhi plot 13 milionë lekë nga shtëpia e familjes Ibraliu.

65-vjecarja, Jalldize Ibraliu, pronare e banesës, e cila është e paralizuar, ishte vetëm në shtëpi kur një grua trokiti në derë, ku u prezantua se vinte nga Tetova dhe më pas kërkoi ujë.

65-vjeçarja tha se e vetmja gjë që kujton është se gruaja e panjohur nisi ti fliste për magji që i kishin bërë asaj dhe familjarëve dhe prej atij momenti nuk kujton asgjë.
E zonja e shtëpisë thotë se nuk e mban mend se si u grabitën paratë, përveçse kur vërejti mungesën e tyre në shtëpi.

Hyri te porta, thashë mikeshë jo, se nuk e njihja. Më tha vij nga Tetova, du içik ujë. I thashë nga Tetova vjen për ujë ti, nuk kam mundësi unë. A nuk sheh si jam? Pa depozitën që ishte aty, mbushi ujë. Më tha dalim çik në diell, më tha të paskan bërë magji. Ime më më tha është 80 vjeçe, më tha duan që të vrasin çunin, i thashë si di unë këto llafe. E s’mbaj mend më asnjë gjë. Nuk e di ça më bëri. Më duket sikur ia kam dhënë me duart e mia. Kur mori kthesën poshtë, u mendova ça më bëri kjo grua, e shkova drejt e te lekët. I kam pas te një kasetë e vogël, se dinte asnjë vendin e tyre. Mund të ishte 40 ose 30, nuk ishte moshë e thyer.

Kamerat e sigurisë kanë pikasur gruan e panjohur nga Tetova që vinte me makinë dhe parkoi pranë banesës. Para se te hynte në shtëpinë e familjes Ibraliu gruaja kishte tentuar të hynte edhe në shtëpi të tjera, por pa sukses.