Gramos Bajçinovci ka bërë një hyrje të fortë në shtëpinë e Big Brother VIP Albania këtë të shtunë, pasi u përzgjodh nga publiku për t’u bashkuar me dy konkurrentë të tjerë. Pas futjes së tij në shtëpi, tensionet ishin të pranishme, pasi Gramosi pati një përplasje të fortë me Jozin, një banor i njohur për deklaratat e tij provokuese, veçanërisht ndaj Rozana Radit, që kishin shkaktuar reagime të forta.

Gjatë një momenti tensioni, Gramosi i tha Jozit: “Burrë jo, qenke rritur dy metra ama akoma kalama. Më vjen keq, ama nuk qenke djalë i mirë.” Ky koment shkaktoi një reagim të menjëhershëm nga Jozin, i cili iu drejtua Gramosit: “Ty nuk të vjen zor prej familjes tënde. E ke lënë gruan tënde shtatzënë dhe vjen rri me mua këtu.”

Gramosi u përgjigj menjëherë: “Ku e di përse kam ardhur, duhet me të ardh marre që ma përmend gruan.” Ky moment tensioni është vetëm një tjetër episod i përplasjes mes banorëve të Big Brother VIP, të cilët vazhdojnë të sjellin drama dhe debate të shumta përpara kamerave.