osja për ngjarjen tragjike në Gramsh ku 15-vjeçari Fation Bici u vra me thikë gjatë një konflikti me bashkëmoshatarët e tij është dërguar për gjykim. Gjykata ka pranuar dosjen me të gjitha akuzat e propozuara nga prokuroria, duke shmangur kërkesën e mbrojtjes për një trajtim të ndryshëm të çështjes.

Në maj të vitit 2023, F.B, 15 vjeç, u sulmua me thikë gjatë një konflikti me katër persona të tjerë të moshave 14 deri në 16 vjeç. Ndërkohë që ai shkonte nga shkolla, pa kushëririn e tij, Marko Bici, 15 vjeç, duke konfliktuar me bashkëmoshatarë. F.B ndërhyri për të mbrojtur kushëirin, por përfundoi me jetën e humbur dhe kushëiri u plagos.

Përkundër pretendimeve të mbrojtjes se jo të gjithë të miturit duhet të gjykohen për “vrasja në rrethana cilësuese në bashkëpunim,” gjykata ka refuzuar këtë kërkesë, duke vendosur që gjykimi të vazhdojë me të njejtën akuzë për të gjithë 4 të miturit.

Rrëfimi i tyre pas arrestimit tregon se konflikti me Marko Bicin kishte nisur disa muaj më parë në një lojë online dhe më pas ishte përshkallëzuar në rrjetet sociale. Ngjarja ka shokuar komunitetin dhe ka nxitur debat mbi dhunën ndër të mitur dhe nevojën për ndërhyrje efektive në parandalimin e konflikteve të tilla.