Një ngjarje tragjike ka ndodhur në fshatin Gribë, në Gramsh, ku një 31-vjeçar ka humbur jetën pas një aksidenti me motor. Sipas policisë, rreth orës 02:50, shtetasi A. T., duke manovruar me motomjet në oborrin e banesës së tij, ka humbur kontrollin dhe është rrëzuar, duke u dëmtuar rëndë në kokë nga gurët që ndodheshin në oborr.

Pavarësisht përpjekjeve për ta transportuar menjëherë në spital, i riu ka humbur jetën si pasojë e dëmtimeve të marra. Grupi hetimor ka nisur punën për të zbardhur rrethanat e këtij aksidenti tragjik.