Gripi i shpendëve, i njohur si H5N1, ka mbërritur në Britaninë e Madhe me një rast të konfirmuar të hënën, sipas autoriteteve shëndetësore. Raportimet bëjnë të ditur se një individ ka rezultuar pozitiv për këtë formë të gripit, pas kontaktit të ngushtë dhe të gjatë me zogj të infektuar në një fermë.

Agjencia e Sigurisë Shëndetësore e MB ka theksuar se rreziku për popullatën mbetet “shumë i ulët”, pasi transmetimi nga zogjtë te njerëzit është i rrallë, megjithëse janë raportuar raste të tilla në të kaluarën.

Personi që u infektua është në gjendje stabile dhe autoritetet po kryejnë depistimin e kontakteve të tij të fundit për të ofruar trajtim antiviral. Përveç kësaj, autoritetet britanike kanë zbuluar raste të gripit të zogjve në disa ferma pulash gjatë muajve të fundit dhe janë marrë masa të shpejta për të kufizuar përhapjen e sëmundjes.