Një grua pjesëmarrëse në protestën e opozitës ka mbetur e dëmtuar te Bashkia e Tiranës, pas përdorimit të ujit me presion nga ana e forcave të policisë për të shpërndarë protestuesit. Deputetja e Partisë Demokratike, Dhurata Çupi, dhe të tjerë pjesëmarrës në protestë kanë njoftuar menjëherë ambulancën, por për më shumë se 50 minuta asnjë mjet i ndihmës së shpejtë nuk ka mbërritur në vendngjarje.

Gruaja është parë duke qëndruar ulur në rrugë dhe nuk ka mundur të ngrihet. Gjendja e saj shëndetësore ende nuk është e qartë, dhe ajo ka marrë ndihmën e deputetëve dhe protestuesve që kanë kërkuar asistencë mjekësore, por janë penguar nga vonesa e ambulancës. Protestuesit dhe përfaqësuesit e opozitës kanë shprehur shqetësimin për situatën dhe mungesën e reagimit të shpejtë nga autoritetet mjekësore.