Endrik Beba, këngëtari që sapo la përfundimisht garën e “Big Brother VIP”, ka rrëfyer se bashkëshortja e tij është kërcënuar gjatë qëndrimit të tij në shtëpi.

I ftuar në studion e “Fan Club”, Beba tregoi se gruaja e tij Klea ka marrë ofendime dhe kërcënime. Ai shprehu shqetësimin se e njëjta gjë mund të ketë ndodhur edhe me ish-gruan e tij, me të cilën ka një fëmijë.

“Fëmija është edhe i saj. Unë e respektoj si nënë, si njeri, ne kemi pasur një lidhje shumë të gjatë. Ka ardhur nga gjëra që mund t’i kenë ardhur, kur kam folur me Klean kam parë që ka marrë shumë kërcënime, ofendime, e njëjta gjë mund të ketë ndodhur me të, më vjen mirë që e do fëmijën kaq shumë,” tha ai.