Prishtinë – 28 Janar 2025
Naim Murseli, i akuzuar për përfshirje në vrasjen e bashkëshortes së tij, Liridona Ademaj, ka dalë sot para gjykatës, ku ka mohuar çdo lidhje me krimin. Gjatë seancës, ai ka deklaruar se “gruan ia kanë vrarë”, duke lënë të kuptohet se nuk ka pasur asnjë rol në ngjarjen e rëndë që tronditi opinionin publik.
Në një dialog të shkurtër me gjyqtaren, Murseli konfirmoi se është i ve, ka dy fëmijë dhe është i papunë, ndërsa theksoi se ndodhet në paraburgim që prej 1 dhjetorit 2023. Ai është shtetas i Republikës së Kosovës dhe ka gjithashtu shtetësi suedeze.
Rasti i vrasjes së Liridona Ademajt ka shkaktuar reagime të shumta në publik dhe media, ndërsa organet e drejtësisë po vijojnë hetimet për të zbardhur të vërtetën. Ndërkohë, Murseli përballet me akuza të rënda, ndërsa procesi ndaj tij vazhdon në gjykatë.
