Guardia di Finanza e Milanos ka një agjent të ri special: është “qeni i parave” Grisby, një qen Labrador i trajnuar për të nuhatur kartëmonedhat.

Falë tij, Financa ka përfunduar sekuestrimin e një thesari të vërtetë: gati 5 milionë euro përfshirë para, valutë, monedha argjendi dhe ora luksoze.

Operacioni u zhvillua më 16 qershor në Martinengo, provincë e Bergamos, por lajmi për të është publikuar sot. Me rastin e disa hetimeve që kanë të bëjnë me logjistikën ushqimore të kafesë, Guardia di Finanza bëri disa përgjime në të cilat të dyshuarit i referohen disa qeseve për t’u zhvendosur.

Në atë moment, hetuesit urdhërojnë kontrollin e një shtëpie të një cifti nën hetim për krime tatimore: një biznesmeni 49-vjeçar dhe gruaja e tij.

Në kontrollet e para, megjithatë, agjentët gjetën vetëm 64 mijë euro. Pika e vërtetë e kthesës në hetim ishte “qeni i parave” Grisby, i stërvitur për të njohur erën e kartëmonedhave.

Labradori, zbuloi atë që kolegët e tij njerëz nuk mundën të gjenin. Pas një muri prej druri, ishte fshehur një dhomë nëntokësore e krijuar në një hapësirë ​​të bodrumit.

Aty u gjendën 4 çanta të zeza me 2 milionë e 585.000 euro para të gatshme, monedha argjendi për një vlerë prej 740.000 euro të tjera, 40 ora luksoze me një vlerë prej 813.000 euro.

Nga hetimet doli një mospërputhje e madhe mes asaj që u gjet në kasafortë dhe të ardhurave bruto të deklaruara nga bashkëshortët në 10 vitet e fundit, të cilat kapin vlerën 235 mijë euro.