Microsoft ka njoftuar se hakerë të lidhur me Qeverinë ruse kanë arritur të fitojnë qasje në emailet e disa zyrtarëve të lartë të kompanisë.

Sulmi nisi në fund të nëntorit dhe u zbulua më 12 janar. Megjithëse kompania nuk ka përmendur emrat e të prekurve, ka theksuar se pësuan dëme vetëm një “përqindje e vogël e punonjësve”. Hakerët u identifikuan si Midnight Blizzard ose Nobelium, një grup i sponsorizuar nga shteti rus.

Ata fillimisht shënjestruan informacionin e tyre dhe më pas zgjeruan sulmin.

“Microsofti e ka identifikuar kërcëninim si Midnight Blizzard, aktor i sponsoruar prej shtetit rus, që njihet edhe si Nobelium”, ka thënë kompania amerikane.

Microsoft ka thënë se fillimisht hakerët e kanë shënjestruar informacionin që është lidhur me grupin e tyre, dhe më pas e kanë shtrirë operacionin.