Për dy ditë me radhë, Charles Leclerc dhe Lewis Hamilton kanë testuar gomat e reja Pirelli në pistën e Barcelona, duke pilotuar Ferrari SF-23, makinën e vitit 2023.

Sipas burimeve brenda skuderisë italiane, Hamilton ka pasur ndjesi shumë pozitive me makinën e tij të re, duke e krahasuar atë edhe me Mercedesin që ka drejtuar në dy sezonet e fundit.

“Lewis është ndjerë mirë në makinë”, u shprehën nga Ferrari.
“Ai ndjehej më mirë në këtë makinë sesa në Mercedes të dy viteve të fundit. I pëlqenin ndjesitë e drejtimit dhe aksidenti i tij në ditën e parë ndodhi sepse po testonte limitet e makinës. Testi i parë ishte premtues, tifozët mund të jenë optimistë”, theksoi skuderia.

Pavarësisht se SF-23 nuk ka qenë një nga njëvendëshat më të suksesshme të Ferrari-t në vitet e fundit, duket se Hamilton ka mbetur i impresionuar nga performanca e saj. Ky është një sinjal pozitiv për sezonin 2025, kur britaniku do të bashkohet zyrtarisht me Ferrari-n.