Policia e Shkodrës po heton rreth një kallëzimi nga një 34-vjeçare, e cila akuzon tre persona se i kanë hapur një llogari false në rrjetin social ‘Tik-Tok’.

Personat në fjalë janë identifikuar si 42-vjeçarja A.L nga fshati Ana e Malit, si dhe A.K, 35 vjeç dhe E.K, 44 vjeç, banorë të lagjes “Guerrile”.

Hetimi ka filluar pas denoncimeve për shantazhe ndaj grave në rrjetet sociale. Materialet procedurale janë kaluar në Prokurorinë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme. Çështja do të vazhdojë të hetohet për të zbardhur plotësisht rrethanat e kësaj ngjarjeje.