Pas marrjes së përgjigjes së autoriteteve të drejtësisë sllovene, hetuesit shqiptarë janë orjentuar drejt Kosovës për të gjetur gjurmë dhe prova të atentatit mafioz që çoi në vrasjen e Brilant Martinaj dhe dy miqve të tij, Besmir Hoxha dhe Dikler Vata.

Prokuroria e Tiranës ka kërkuar informacion shtesë nga Sllovenia dhe përmes një letër-porosie të dytë ka kërkuar informacion nga Kosova në lidhje me servisin e makinave ku do të bëhej çmontimi i automjetit të përdorur në atentat. Kërkesa përfshin detaje rreth personit që mori makinën në servis dhe kohën kur ky proces ndodhi. Ky informacion mund të japi dritë mbi ngjarjen dhe të ndihmojë në hetimin e krimit të rëndë.

Brilant Martinaj dhe dy miqtë e tij u qëlluan për vdekje më 17 korrik 2022 në Fushë Krujë. Hetuesit besojnë se ky atentat ka lidhje me përplasje të grupeve kriminale në trafikun e drogës dhe atentateve të tjera të kryera për shkak të rivalitetit të tyre. Familja Martinaj ka denoncuar zhdukjen e Ervis Martinaj, i cili është në kërkim ndërkombëtar dhe është lidhur me ngjarje të tjera të dyshuara kriminale. Hetimi vazhdon me synimin e hedhjes së dritës mbi lidhjet dhe motivet e krimit.