Komisioni hetimor për koncesionet në Shëndetësi nuk po arrin të kthejë opozitën dhe maxhorancën në një rrugë të përbashkët të dakordësisë, ndërkohë që PS dhe Rithemelimi vazhdojnë të ndjekin axhenda të ndara për hetimin parlamentar.

Sot, në orën 13:00, deputetët socialistë do të kryejnë vizitat në QSUT, për të hetuar se si është zbatuar koncesioni për Check-up dhe Sterilizimin.

Opozita akuzon PS-në për pengim të hetimit dhe Albana Vokshi, kryetarja e Komisionit hetimor, do të thërrasë një mbledhje tjetër për të zhbllokuar ngërçin aktual në planin hetimor.

Hetimi në Komisionin për Shëndetësi është futur në një ngërç të vazhdueshëm, me akuzat reciproke mes opozitës dhe maxhorancës për pengime të hetimit të qëllimshëm.