Hetuesit belgë kanë arritur të sekuestrojnë një server, ku kanë komunikuar anëtarë të grupeve kriminale që operojnë atje.

Burime bëjnë me dije se janë transkripituar qindra biseda mes anëtareve të grupeve kriminale. Bisedat kryesisht lidhen me trafikun e drogës dhe vrasjeve që kanë ndodhur në Belgjikë për larje hesapesh

Një pjesë e komunikimeve janë të vlefshme edhe për autoritetet tona, për shkak të personazheve dhe përmbajtjes së mesazheve të transkriptuara.

Për këtë arsye, autoritetet belge bëjnë me dije burimet për Fax News, ia kanë dorëzuar atyre shqiptare në kuadër të kryerjes së verifikimeve që janë në vazhdim i një hetimi të nisur prej tyre. Mësohet se të dyshuarit kanë komunikuar mes tyre në aplikacone si EncroChat, Sky Ecc por, edhe Matrix.

Autoritet belge dhe ato shqiptare të paktën vitin e fundit, kanë pasur një bashkëpunim të ngushtë mes tyre, duke shkëmbyer vazhdimisht informacione.

Pothuajse njëherë në dy muaj një grup hetuesish belgë zbarkojnë në Shqipëri, për të kryer veprime hetimore lidhur me disa ngjarje kriminale që kanë ndodhur atje, por edhe me trafikun e drogës, ku shumë grupe kriminale kanë shtrirë atje aktivitetetin e paligjshëm.