Sot janë mbajtur homazhe në nder të viktimave të ngjarjes së 21 janarit 2011, kur u vranë katër persona gjatë protestës së Partisë Socialiste në opozitë.

Kryeministri Edi Rama, duke folur para familjarëve dhe ministrave, shprehu se kjo ngjarje është një rast ku drejtësia nuk vjen menjëherë, por është e pashmangshme që do të vijë. Ai siguroi familjarët e viktimave se mazhoranca do të jetë gjithnjë krah për krah deri në ditën e gjykimit, duke falënderuar Gjykatën Evropiane në Strasburg për drejtimin e duhur.

Edi Rama:

21 janari është nga ato raste ku drejtësia nuk vjen kurrë shpejt, por është e pashmangshme që do të vijë. Dëshiroj ta ndaj me gjithë familjarët në emër të gjithë kolegëve në emër të famijes tonë politike që udhëheq sot vendin. Qoftë vullnetin për të qëndruar krah për krah deri në ditën e gjykimit qoftë besimin e ushqyer prej momentit dramatik që shënon një kthesë dramatike në drejtimin e duhur, fatkeqësisht nuk erdhi si rezultat i sistemit të drjetësisë por si rezultat forcës europiane të drjetësisë në Strasburg.