Një aksident i rëndë në afërsi të Prizrenit mori jetën e tre personave të rinj, ndër to dy futbollistë, si pasojë e garave me makina. Shoferi i makinës, Arlind Syla, familjar i njërit prej viktimave, u përfshi në një përplasje tragjike me kalimtarët, duke shkaktuar vdekjen e Lordi Sylës, Molos Delijas dhe Nue Bibajt, të tre të moshës rreth 20 vjeçare.

Lordi dhe Molos ishin futbollistë të mëparshëm në klubin “KF Gjakova”. Klubi ka reaguar në një postim në Facebook duke shprehur ngushëllimet më të thella për familjet e viktimave dhe duke përshëndetur kontributin e tyre në sport.

Postimi:

“Lajm i kobshëm për të gjithë ne, sonte humbën jetën tragjikisht dy ish-futbollistët tanë Molos Delija dhe Lordi Syla. Ne si kryesi klubit Gjakova dhe futbollistët e të gjitha grupmoshave shprehim ngushllimet më të sinqerta dy familjeve DELIA dhe SYLA për humbjen e dy më të dashurve të tyre. Qofshi banorë të Xhehnetit Molos dhe Lordi.”