Kandidati për deputet i Lëvizjes Socialiste për Integrim, Etjon Joka është lënë në arrest shtëpie.
GJKKO ka caktuar masën “arrest shtëpie” për ish-kandidatin e LSI për deputet Etjon Joka.
Joka akuzohet për korrupsion në zgjedhje, pasi shfaq në një video-përgjim duke shpërndarë para në këmbim të votave dhe akuzohet për “korrupsion aktiv në zgjedhje”.
Kujtojmë që SPAK kishte kërkuar masën e sigurisë “arrest me burg” për ish-kandidatin për deputet.
32-vjeçari u shpall në kërkim disa muaj më parë nga Policia e Tiranës dhe dosja në ngarkim të tij i kaloi Prokurorisë së Posaçme, SPAK.
Ai u arrestua dje nga Policia e Tiranës.
