Moderatorja e njohur Neda Balluku ka hapur zyrtarisht procedurat e divorcit nga Orgen Balluku, vëllai i ministres Belinda Balluku, duke i dhënë fund martesës së tyre dhjetëvjeçare.

Çifti, i cili u njoh në Big Brother Albania në vitin 2010 dhe u martua në vitin 2015, ka dy djem, Serzh dhe Zai. Sipas burimeve, marrëdhënia e tyre kishte hyrë kohët e fundit në krizë, gjë që çoi Neda-n drejt vendimit për të ndarë rrugët.

Megjithëse jeta e çiftit ka qenë kryesisht private, Neda nuk ka ngurruar herë pas here të ndajë me publikun momente të veçanta nga ky rrugëtim, që mediat rozë e kanë cilësuar një ndër çiftet e ekranit më të qëndrueshme të kohës së tyre.