Një ngjarje e rëndë tronditi Shkodrën mbrëmjen e djeshme, teksa 19 vjeçari, Erjon Xhenja u ekzekutua ndërkohë që po pinte kafe në një prej lokaleve të qytetit pranë bulevardit Bujar Bishanaku.
Drejt të riut u qëllua me breshëri plumbash dhe ky i fundit nuk arriti të mbijetonte nga plagët e marra. Ndërkohëështë zbuluar edhe biseda e fundit që 19 vjeçari pati me babain e tij pak përpara se të ekzekutohej me breshëri plumbash.
Mësohet se pak përpara se të ndodhte atentati mafioz, babai i 19 vjeçarit e kishte telefonuar djalin e tij duke i kërkuar që ta shoqëronte deri në Mal të Zi, por Xhenja e kishte refuzuar duke i thënë se ishte në lokal dhe po pinte kafe.
Ndërkohë policia ende nuk ka asnjë gjurmë të identifikimit të autorëve të cilët pasi kryen sulmin u larguan me një motoçikletë e cila u gjet e djegur në lagjen “Guerrile” pak momente pas atentatit.
