Paraditen e sotme janë raportuar pamje të rënda nga zona e Ura e Babrrusë, ku një i ri është gjetur i pajetë poshtë urës.

Sipas informacioneve paraprake, dyshohet se i riu mund të jetë vetëhedhur, megjithatë rrethanat e ngjarjes mbeten ende të paqarta. Identiteti i tij nuk është bërë ende i ditur.

Kanë qenë dëshmitarët në zonë ata që kanë njoftuar menjëherë policinë, e cila ka mbërritur në vendngjarje dhe ka nisur veprimet hetimore për të sqaruar plotësisht shkaqet dhe dinamikën e rastit.

Autoritetet pritet të japin më shumë detaje pas përfundimit të verifikimeve paraprake.