Një 54-vjeçar është arrestuar nga policia e Elbasanit, pasi akuzohet për vjedhjen e automjetit tip “Range Rover” të vëllait të tij, 52-vjeçar. Sipas policisë, denoncimi është bërë nga vëllai i autorit, i cili ka deklaruar se makina ishte vjedhur gjatë natës dhe ishte parkuar në lagjen “Beqir Dardha”.
Njoftimi i policisë Elbasan
I vodhi vëllait “Range Rover-in” , arrestohet nga policia
Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin T. H., 54 vjeç, banues në Elbasan, për veprën penale “Vjedhja”.
Sipas policisë shtetasi L. H., 52 vjeç, kishte denoncuar se gjatë natës së djeshme i kishin vjedhur automjetin tip “Range Rover”, të parkuar në lagjen “Beqir Dardha”.
Menjëherë shërbimet e Policisë kanë lokalizuar automjetin në lagjen “Luigj Gurakuqi”dhe kanë arrestuar në flagrancë shtetasin T. H., 54 vjeç, i cili rezultoi se ishte vëllai i denoncuesit L. H .
Autori i vjedhjes së automjetit u kap ndërsa ishte duke qarkulluar me “Range Roverin”.
