Policia e Kosovës ka publikuar fotografitë e dy të dyshuarve për vrasjen dyfishtë të martën në Prishtinë. Njësiti i hetimeve të përgjithshme në Drejtorinë Rajonale të Policisë në Prishtinë, me autorizim nga prokuroria kompetente, po kërkon ndihmë nga qytetarët për të marrë informacione që do të ndihmonin në arrestimin e personave të dyshuar. Personat e dyshuar identifikohen si vëllezërit Ahmet (Ali) Berisha dhe Naim (Ali) Berisha.
Ngjarja ndodhi në rrugën “Jeronim de Rada” në Prishtinë, ku një burrë vdiq dje në vendin e ngjarjes më 26.03.2024, ndërsa një grua tjetër vdiq sot, më 27.03.2024 në Qendrën Klinike Universitare të Kosovës si pasojë e këtij incidenti. Viktima Z.G., 48-vjeçare, u qëllua nga arma e zjarrit në automjetin e saj, ndërsa nuk ishte e përfshirë në rastin e vrasjes.
