Analisti Ilir Kulla shprehet se 19-vjeçari Xhuliano Prenga, i cili kreu ekzekutimin e mafiozit më të madh të Irakut, Mustafa Aljiburi, mund të rrezikojë jetën nga ish-anëtarët e ISIS dhe pjesëtarë të grupit të mafiozit nga Bagdati. Kulla shton se Iraku është një vend ku ndodhin herë pas here atentate dhe tregon se Prenga mund të jetë ndihmuar nga kumbarët vendas për të kryer vrasjen e Aljiburit. Prenga, një katolik në një vend shumicë mysliman, rrezikon dënim me vdekje dhe vdekje nga ish-pjesëtarët e ISIS që mund të jenë në burg.
“Ka pasur kumbarët e tij vendas që e kanë orientuar atje. Udhëtimi deri në Irak është i lehtë, deri në momentin që ti mund të marrësh vizën. Natën ka shtetrrethim nga ora 10 deri në 6 të mëngjesit dhe nuk mund të shkosh nga aeroporti në Bagdat.
Herë pas here ka atentat dhe një nga bizneset më të përhapur në Irak është seciurity privat. Shkon në 2000 dollarë dita. Ky personazh është nga një fis i madh që ka ndikim dhe influencë, është fis sunit. E gjithë mafia kurde dhe irakiane ka influencë në Suedi.
Është një ngjarje e pamundur të bëhej vetëm nga ai djali dhe ai djali rrezikohet me jetë tani. Rrezikon dënim me vdekje, rrezikon edhe në burg, pasi burgjet e Irakut janë të mbushur me ish-pjesëtarët e ISIS dhe ky djali është katolik. Familja Xhiburi është një fis i madh dhe me influencë të madhe në Irak”, tha Kulla.
