Banorja e fundit e eliminuar nga Big Brother VIP, Ina Aderi, ka folur hapur për eksperiencën e saj në reality show dhe ndjenjat që lindën gjatë qëndrimit në shtëpi.

Gjatë një interviste për emisionin “Shqipëria Live”, Ina rrëfeu se personi i parë që takoi brenda shtëpisë ishte Kejsi, dhe se më pas pati mundësinë të njihte edhe familjen e tij. Ajo u ndal veçanërisht tek momentet romantike që ndanë:

“Të parin takova Kejsin, pastaj familjen. Përveç miqësisë, po kuptonim që diçka po ndodhte mes nesh. Puthja me Kejsin ishte spontane dhe nuk jam penduar absolutisht. Ndjenjat kur janë të pastra janë të bukura.”

Ina shtoi se besimi dhe sinqeriteti mes tyre e bënë të ndihej e sigurt dhe e mbështetur nga Kejsi:

“Është një mashkull që më jep shumë siguri, më mbështet, më përkujdeset. Kur dikë e ke mik, i hap zemrën pa paragjykime.”

Ndërsa fansat e spektaklit janë kuriozë për të ardhmen e lidhjes së tyre, Ina duket e vendosur të përjetojë çdo moment të përvojës së saj pa keqardhje.