Deputetja e Partisë Demokratike, Ina Zhupa, ka vizituar një biznes grumbullimi e shitjeje të mandarinave në Mursi, ku shprehu mbështetje për fermerët dhe sipërmarrjet që punojnë me ndershmëri.
Ajo u ndal tek problemet që, sipas saj, po shkakton mungesa e kontrollit nga institucionet shtetërore, sidomos nga AKU, e cila – siç theksoi Zhupa – nuk po arrin të ndalojë abuzimet dhe përhapjen e lajmeve të rreme që dëmtojnë prodhimin vendas.

Zhupa vlerësoi punën e Fatmir Sheros dhe modelin e suksesit që ai ka ndërtuar me prodhuesit e Konispolit, duke theksuar se produktet shqiptare kanë cilësi të lartë, por mungon mbështetja e shtetit.

Deputetja u bëri thirrje qytetarëve të blejnë produkte vendase dhe të përkrahin mundin e fermerëve shqiptarë.