Leicester – Një ngjarje tronditëse ka ndodhur të shtunën në qytetin e Leicesterit në Britaninë e Madhe, ku një automjet ka përplasur qëllimisht katër këmbësorë, duke lënë tre prej tyre në gjendje kritike për jetën.

Sipas raportimeve të SkyNews, incidenti u parapri nga një konflikt verbal në një aktivitet privat në afërsi të vendit të ngjarjes. Hetimet paraprake tregojnë se autori i dyshuar, një 31-vjeçar, ka ndjekur viktimat me makinën e tij pas grindjes dhe i ka përplasur në trotuar.

Policia britanike ka konfirmuar arrestimin e të dyshuarit, i cili akuzohet për shkaktim të dëmtimeve të rënda trupore me dashje dhe drejtim të rrezikshëm të automjetit. Ai ndodhet aktualisht në paraburgim.