Një 14-vjeçare është plagosur pasi ka rënë në një humnerë fshatin Lipe në Përmet.

Mësohet se e mitura ndodhej me prindërit për pelegrinazh me rastin e ditës së “Shën Elenës” ku ka ndodhur dhe incidenti i rëndë. Vajza e identifikuar si Ana Maria është tërhequr menjëherë dhe është transportuar në spital.

Policia e Gjirokastrës ka dhënë informacion zyrtar për ngjarjen e ndodhur në fshatin Lipe Sipas policisë 14-vjeçarja është jashtë rrezikut për jetën.

Njoftimi i Policisë

“Njoftohemi se rreth orës 11:20, në vendin e quajtur “Shënelenë”, në fshatin Lipe, Përmet, është rrëzuar nga një lartësi shtetasja A. Q., 14 vjeçe, banuese në Përmet.
Shërbimet e Komisariatit të Policisë Përmet dhe shërbimet zjarrëfikëse, në bashkëpunim me banorët e zonës, bënë të mundur nxjerrjen e shtetases A. Q., e cila ndodhet jashtë rrezikut për jetën dhe po mer ndihmën mjekësore në spitalin e Përmetit. Në vendngjarje ndodhet grupi hetimor dhe po punon për zbardhjen e rrethanave të ngjarjes”, njofton policia.