Një incident i rëndë ka ndodhur këtë të premte në Maqedoninë e Veriut, ku policia ka ndërhyrë për të hequr flamujt shqiptarë të vendosur për festimet e 28 dhe 29 Nëntorit.

Pamjet e publikuara në rrjet tregojnë momentin kur një polic heq flamurin shqiptar nga një shtyllë dhe e hedh në tokë. Ky veprim ka ngjallur zemërim dhe indinjatë në komunitetin shqiptar të Maqedonisë së Veriut, të cilët e konsiderojnë aktin si një skandal, veçanërisht në prag të festave që simbolizojnë Pavarësinë dhe Çlirimin e Shqipërisë.

Deri në këtë moment, autoritetet e Maqedonisë së Veriut nuk kanë dhënë asnjë reagim zyrtar mbi këtë incident. Shqiptarët në këtë rajon kërkojnë një qëndrim dhe ndjesë për këtë akt të konsideruar të papranueshëm.