Gjatë protestës së opozitës, dy persona, babë e bijë, janë shoqëruar në spital pasi pësuan lëndime nga djegiet dhe nga gazi lotsjellës i përdorur nga policia për të shpërndarë turmën. Vajza ka pësuar djegie në 2% të trupit dhe është duke u larguar nga urgjenca, ndërsa babai, me djegie në 15% të trupit, do të transferohet në repartin e djegieve plastike për trajtim të specializuar.
Gjithashtu, një grua është lënduar rëndë nga një bombë molotov e hedhur gabimisht nga protestuesit. Ajo është transportuar në spital, por gjendja e saj shëndetësore ende nuk është bërë e ditur.
