Gjatë protestës së opozitës, teksa bombat molotov u hodhën drejt institucioneve shtetërore, disa protestues gabimisht kanë goditur edhe të vetët. Një ngjarje e rëndë ndodhi pranë selisë së Partisë Socialiste, ku një protestues u kthye në viktimë të zjarrit të shkaktuar nga një prej molotovëve të hedhur në hyrje të ndërtesës.

Ngjarja shënoi një nga momentet më të tensionuara të protestës, pasi përveç protestuesit të plagosur, disa efektivë policie gjithashtu u plagosën nga zjarri i molotovëve. Këto incidente u regjistruan jo vetëm pranë selisë së PS-së, por edhe përpara Ministrisë së Brendshme dhe Bashkisë së Tiranës, ku përleshjet dhe dhuna përshkallëzuan me hedhjen e lëndëve të rrezikshme piroteknike.