Është zhvilluar këtë të të dielë seanca e vlerësimit  të masës sigurisë për Bardhyl Gjika Drejtor i Drejtorisë së Administrimit dhe Mbrojtjes së Tokës në Këshillin e Qarkut, dhe Kreshnik Mino, specialisti i kësaj drejtorie të arrestuar tre ditë më parë pasi  dyshohen se falsifikuan formularët e AMTP dhe Formularin nr.6 për regjistrimin e një pasurie (truall), në fshatin Dhërmi në bashkëpunim me shtetasin Spiro Duni.

Seanca ndaj Gjikës dhe Minos, u mbajt në gjykatën e Vlorës ku mbrojtja ka pretenduar për arrestim të paligjshëm.  Ndërsa në vlerësim të rrethanave,  në bazë të provave të reja të paraqitura nga palët si dhe rrethanave familjare , gjykata ka vendosur detyrim paraqitje për specialitetin Kreshnik Mino. Ndërsa ka lënë më fuqi masën ” Arrest me burg” për Bardhyl Gjikën.

Sipas pretendimeve të mbrojtjes, Mino është specialist dhe nuk ka funksion vendimarrës. Për shkak të problemeve shëndetësore,  Spiro Duni do ta zhvilloj seancën në Spital.

Mbi këta shtetas rëndon akuza e shpërdorimit të detyrës dhe falsifikimit të dokumenteve zyrtar.