Njëzet qytete të Shqipërisë do të pajisen me një sistem kamerash inteligjente për të rritur sigurinë në komunitet, për të mbrojtur jetën dhe pronën private, si dhe për të monitoruar trafikun rrugor. Tv Klan ka zbardhur listën e qyteteve ku do të instalohen këto pajisje, të cilat do të jenë funksionale 24 orë. Instalimi i kamerave inteligjente ka filluar në pesë qytete: Kamëz, Vlorë, Lezhë, Rrëshen dhe në një pjesë të Tiranës.
Qytetet e përzgjedhura për projektin:
1. Tiranë
2. Durrës
3. Kamëz
4. Kavajë
5. Krujë
6. Laç
7. Lezhë
8. Rrëshen
9. Shkodër
10. Elbasan
11. Pogradec
12. Korçë
13. Lushnje
14. Fier
15. Berat
16. Vlorë
17. Sarandë
18. Gjirokastër
19. Peshkopi
20. Kukës
Karakteristikat e Kamerave Inteligjente:
-Rezolucion i lartë: Monitorim i situatës në terren dhe lëvizja e çdo automjeti.
-Identifikimi i targave:Identifikojnë targat e makinave të shpallura ‘alert’.
-Funksionim audio: Mundësojnë dëgjimin dhe regjistrimin e zërit.
-Pamje të qarta: Regjistrim i qartë edhe për persona të dyshuar që lëvizin në këmbë apo me automjet.
Qëllimet e Projektit:
-Rritja e sigurisë në komunitet:Monitorimi dhe parandalimi i veprimeve kriminale.
-Mbrojtja e jetës dhe pronës private:Sigurimi i një mjedisi më të sigurt për qytetarët.
-Monitorimi i trafikut rrugor: Përmirësimi i menaxhimit të trafikut dhe reduktimi i aksidenteve.
Përzgjedhja e Qyteteve:
Qytetet janë përzgjedhur nga Ministria e Brendshme në bashkëpunim me Policinë e Shtetit bazuar në nivelin e kriminalitetit që ato kanë.
Kostoja dhe Financimi:
Projekti për monitorimin me kamera inteligjente të 20 qyteteve do të kushtojë në total 60 milionë euro, ku një pjesë e konsiderueshme e vlerës do të financohet nga Emiratet e Bashkuara Arabe.
Kjo iniciativë është pjesë e përpjekjeve të autoriteteve shqiptare për të përmirësuar sigurinë publike dhe për të modernizuar infrastrukturën e monitorimit në vend.
