Ish-deputeti Myslim Murrizi,ka bërë deklarata lidhur me situatën politike në vend. Ai ka shprehur bindjen se Rithemelimi dhe Partia Socialiste kanë një pazar mes tyre. Murrizi e quan protestën e organizuar një ditë më parë një fasadë, duke theksuar se Gazment Bardhi sulmon maxhorancën nga njëra anë, ndërsa nga ana tjetër ulet në tryezë me ta.

Murrizi argumenton se ka parë situata ku politikanët ngrihen në kritikë ndaj kryeministrit Rama dhe të tjerëve, për t’u ulur më pas për të bërë marrëveshje politike. Ai akuzon opozitën për qëndrim të papërshtatshëm, duke thënë se ata kanë votuar në favor të Ramës në shumë raste, duke i shef në rrugë të protestojnë dhe pastaj të bëjnë kompromise në Parlament. Ai kritikon edhe lidershipin e Rithemelimit, duke thënë se nuk mund të përsëritet një eksperiment i dështuar për 34 vjet.

Në lidhje me riaktivizimin e Presidentit Ilir Meta, Murrizi shprehet se kjo është një çështje që lidhet me bindjet politike dhe mbrojtjen e të përndjekurve politikë nga qeveria e Metës në vitet ’97-’98. Ai gjithashtu ngre pyetje për shkakun e heshtjes së Partisë Socialiste lidhur me çështjen e dosjeve të famshme dhe përse figura si Taulant Balla nuk flet për të hapur dosjet për shqiptarët.

Murrizi: Këtu ulesh me Ramën e Lindën, këtu do të sulmosh Erionin, këtu ngre kartonin për të favorizu drejtorat, apo Erionët e vegjël, pastaj pasdite do ulet me Çuçin,. Do themi ça do bëjmë. Kanë votuar shumë herë në Pazar, i sheh në rrugë e thua po vriten, në Parlament po puthen. Opozitë me orë diellore, nuk ngjit, unë kam qenë i ashpër me qëndrimet e Rithemelimit. Vetëm një debil mund të përsërisë 34 vite një eksperiment të dështuar, lideri imagjinar pse u shkon kamera mbrapa, pse thërret në takim Yuri, pse bën foto me një senator që ka dezhurnin në Senatin amerikan, nuk bëhesh dot.

Murrizi: Për njerëz që nuk janë në gëzofin tim politik, përqasen me bindjet e mia politike si anti-komunist, si njeri që kam qejf që ata të përndjekurit politikë të mos sorollateshin edhe nga qeverisja e Metës në ‘97-98. Po të shikosh edhe PS ka një dakordësi, pse s’flet Taulanti i dosjeve të famshme që do të bënte ligj do të hapte dosjet, jo çdo teatër e tyre paguhet nga shqiptarët.