Një prej emrave të njohur në fushën e drejtësisë, ish-gjyqtari Gjin Gjoni, i cili u përball me vettingun pas pasurisë së tij prej sheiku, tani është në listën e kandidatëve të propozuar nga Berisha për postin e kryetarit të degës së Lezhës.

Gazment Bardhi nga Rithemelimi konfirmon informacionin dhe shton se procesi i vlerësimit të kandidaturave do të bëhet nga komisioni zgjedhor në PD, duke vlerësuar kriteret statutore dhe informacionin e mëtejshëm duhet marrë nga sekretariati i partisë.

Kryesia e partise ka bërë një miratim të vetëkandidimeve apo propozimeve që kanë ardhur nga deget e partise pa hyrë ne emra konkret. Është komisioni që do të vlerësojë kandidaturat e paraqitura nga deget, dhe do të bëjë miratimin final të atyre që do futen në garë. Ka kritere statutore dhe nga komisioni zgjedhor në PD që do vleresohen. Rastin në fjale nuk e njoh, duhet të merrni informacion të zgjeruar te sekretariati i partisë” tha Bardhi.