Autoritetet italiane kanë dëbuar një shtetas shqiptar, pas një operacioni të organizuar nga Zyra e Emigracionit në Komisariatin e Astit. Sipas Policisë së Shtetit italian, shqiptari ishte i pranishëm në mënyrë të paligjshme në Itali dhe kishte precedentë penalë të mëparshëm, përfshirë rreth 65 raste vjedhjesh në apartamente të shpërndara në gjithë krahinën e Piemontes.

Shtetasi ishte gjithashtu i dyshuar për përfshirje në trafik të mallrave të vjedhura, ndërsa më herët kishte qenë në zotërim të një lejeje qëndrimi, e cila më pas ishte revokuar për shkak të historikut penal.

Pas identifikimit, ai u shoqërua me forcë drejt portit të Ankonës, prej nga u largua për në vendin e tij të origjinës, në kuadër të një operacioni të posaçëm për survejim dhe garantimin e sigurisë gjatë transferimit.

Policia italiane theksoi se dëbime të tilla janë të domosdoshme për të mbrojtur rendin publik dhe për të përmbushur pritshmëritë e qytetarëve për më shumë ligjshmëri dhe siguri.