Përmbytje të mëdha, dalje lumenjsh dhe moti i keq kanë shkaktuar një situatë kritike në Itali, me një bilanc të rëndë që përfshin evakuime, të plagosur dhe deri në vdekje. Në një nga ngjarjet më dramatike, një makinë është përfshirë nga një gropë e hapur papritur në rrugën shtetërore 280, që lidh Catanzaro me Lamezia Terme. Shembja e papritur krijoi një hendek disa metra të thellë, duke përfshirë të dyja karrexhatat e rrugës, një arterie strategjike e rëndësishme që lidh qytetin me stacionin hekurudhor dhe aeroportin ndërkombëtar të Lamezia Terme.

Ngjarja ka ndodhur pikërisht në zonën e Lamezia Terme, e cila është prekur veçanërisht nga vala e motit të keq që ka goditur Italinë këto ditë. Drejtuesi i automjetit fatmirësisht ka shpëtuar pa pësuar dëmtime kur u hap gropa, ndërkohë që forcat e rendit dhe ekipet e ndërhyrjes janë duke menaxhuar situatën dhe trafikun në këtë arterie të rëndësishme për rajonin.

Shembja dhe përmbytjet kanë mbyllur gjithashtu disa rrugë kryesore, duke ndikuar rëndë në qarkullimin dhe duke rrezikuar jetët e banorëve të zonave të përmbytura. Ky episod tragjik është vetëm një nga ngjarjet e shumta të shkaktuara nga kushtet ekstreme të motit në Itali, që ka sjellë vështirësi të mëdha në disa rajone.