Vajza e Donald Trump, Ivanka Trump, ka ndarë me ndjekësit e saj në rrjetet sociale tre libra që fokusohen tek Shqipëria dhe shqiptarët, duke treguar interesin e saj për historinë dhe kulturën e vendit tonë.

Ivanka, e cila është gruaja e Jared Kushner, investitorit të projektit në ishullin e Sazanit, ka vizituar më herët Shqipërinë dhe duket se po kërkon të thellojë njohuritë e saj. Librat që ajo po lexon janë:
• “Albania: From Anarchy to Balkan Identity” nga Miranda Vickers dhe James Pettifer
• “The Albanians: A Modern History” nga Miranda Vickers
• “Gjenerali i ushtrisë së vdekur” nga Ismail Kadare

Poshtë fotos së librave, Ivanka ka shkruar thjesht: “Kërkim!”, duke lënë të kuptohet se po përpiqet të njohë më mirë historinë dhe trashëgiminë kulturore të Shqipërisë.

Ky interes i saj i ri ngre kuriozitet për vizitat e ardhshme dhe bashkëpunimet që mund të zhvillohen në kuadër të projekteve kulturore dhe historike.