Deputeti i Partisë Demokratike, Ivi Kaso, ngriti shqetësimin në Kuvend lidhur me pasojat ekonomike nga shembja e aksit rrugor Librazhd-Prrenjas, duke e cilësuar atë si një akt të “pastër korrupsioni”.

Sipas Kasos, dëmet e shkaktuara po i paguajnë mbi 200 mijë banorë të juglindjes, ndërsa kostot e transportit janë rritur ndjeshëm për shkak të devijimeve të kamionëve me 40-60 kilometra më shumë.

“Dje u rrit çmimi i biletës së autobusit për në Tiranë, ndërkohë që sot po rritet edhe çmimi i bukës në Korçë. Për 12 vite qytetarët e juglindjes janë mashtruar me premtime të zbrazëta, ndërsa halli më i madh i Ministrisë së Infrastrukturës është ai i ministres, jo i rrugëve,” deklaroi Kaso.

Ai akuzoi ministrinë për menaxhim të dobët dhe theksoi se pasojat financiare po ndjehen direkt nga qytetarët dhe bizneset lokale.