Forcat Mbrojtëse të Izraelit (IDF) kanë bërë të ditur se kanë vrarë Sayed Yahya Hamidi, zv.ministrin iranian të inteligjencës për çështjet izraelite, si dhe Jalal Pour Hossein, kreun e divizionit të spiunazhit në të njëjtën ministri, ndër të tjera zyrtarë të lartë të regjimit iranian.

Në deklaratë nuk jepen detaje mbi kohën, vendin apo mënyrën e operacionit, por IDF thekson se selia e Ministrisë së Inteligjencës në Tehran është goditur “pak kohë më parë”. Ngjarja shënon një përshkallëzim të ri të tensioneve midis Izraelit dhe Iranit, duke rritur shqetësimet për një përplasje më të gjerë në rajon.