Izraeli ka njoftuar se ka vrarë 20 udhëheqës të tjerë të rangjeve të ndryshme të Hezbollahut gjatë një sulmi në selinë e grupit të premten, ku mes viktimave përfshihet edhe lideri i Hezbollahut, Hassan Nasrallah. Ushtria izraelite (IDF) ka konfirmuar gjithashtu se gjatë sulmit janë vrarë Ibrahim Hussein Jazini, kreu i njësisë së sigurisë së Nasrallah, dhe Samir Taëfiq Dib, të cilët janë përshkruar si njerëz të besuar dhe këshilltarë të ngushtë të liderit të vrarë.

Sipas deklaratave të IDF-së, selia e Hezbollahut ishte pozicionuar nën disa ndërtesa civile, një taktikë që grupi militant ka përdorur për të maskuar objektet e tij strategjike.

Më herët, Hezbollah kishte konfirmuar humbjen e një prej anëtarëve të tij të lartë, Nabil Qaouk, kreu i këshillit të sigurisë parandaluese dhe anëtar i këshillit qendror të organizatës. Qaouk u vra të shtunën gjatë sulmeve ajrore izraelite, sipas deklaratës së ushtrisë izraelite.