Izraeli ka rifilluar sulmet ajrore dhe tokësore në Rripin e Gazës, duke shkaktuar të paktën 322 viktima, mes të cilëve gra, fëmijë dhe të moshuar. Sipas Zyrës për Media të Qeverisë në Gaza, bombardimet masive kanë ndodhur brenda pesë orëve të fundit, pas shkeljes së armëpushimit dhe shpërfilljes së marrëveshjeve ndërkombëtare.

Sipas deklaratës, dhjetëra persona janë plagosur, por shumë prej tyre nuk kanë mundur të transportohen në spitale për shkak të mungesës së karburantit dhe kolapsit të sistemit shëndetësor në Gaza.

Nga ana tjetër, ushtria izraelite konfirmoi se ka rifilluar operacionet ushtarake në shkallë të gjerë, në përputhje me udhëzimet e qeverisë. Zyra e Kryeministrit izraelit, Benjamin Netanyahu, deklaroi se sulmet po kryhen me urdhër të tij dhe të ministrit të Mbrojtjes, Yisrael Katz.