I riu Leonardo Zela i cili u arrestua nga policia e Tiranës për shpërndarje të lëndëve narkotike, rezulton të jetë nipi i Emiljano Shullazit.

Burime bëjnë me dije se 23-vjeçari Zela është djali i motrës së Shullazit. Ky i fundit aktualisht ndodhet në burg.

Sipas uniformave blu, Leonardo Zela shpërndante lëndë narkotike në zonën e ish-Parkut. Gjatë kontrollit në banesën e tij, policia gjeti dhe sekuestroi disa doza kanabisi.

Ai e kishte ndarë lëndën narkotike në 4 kavanozë qelqi. Policia sekuestroi një peshore elektronike, një përforcues grushti, sasi farash të dyshuara kanabisi.

Gjatë kontrollit në shtëpi, policia gjeti dhe një shumë prej 11.150 eurosh dhe 11 mijë paund.