Sekretari i Përgjithshëm i Partisë së Lirisë, Tedi Blushi ka përkujtuar tërmetin 26 nëntorit të 2019, i cili shkaktoi 51 viktima.

Me një shënim në faqen zyrtare në “Facebook”, Blushi falënderoi Kosovën për ndihmën e saj, ndërsa theksoi se se për shkak të korrupsionit dhe papërgjegjshmërisë sot ende ka familje, të cilat nuk janë futur dot në shtëpitë e tyre.
Regaimi i Blushit:

Tre vite nga tërmeti shkatërrimtar i 26 nëntorit 2019, nderojmë sot kujtimin e 51 qytetarëve që humbën jetën dhe falenderojmë me mirënjohje Kosovën dhe të gjitha vendet mike e partnere për solidaritetin dhe ndihmat e pakursyera.
Për shkak të korrupsionit dhe papërgjegjshmërisë sot ende ka familje që nuk janë futur në shtëpitë e tyre dhe janë braktisur nga shteti, ndërkohë që problematika të shumta janë vërejtur edhe me ndërtimet jo cilësore ku janë strehuar të tjerët.
Një Qeveri që vjedh edhe fondet për emergjencat, ndihmat e vendeve mike, si dhe braktis qytetarët më në hall, nuk e meriton asnjë ditë të qëndrojë në detyrë!