Mbrëmja e djeshme në shtëpinë e “Big Brother VIP 5” u shoqërua me një debat të fortë mes Mirit dhe Erikut, i cili tensionoi ndjeshëm atmosferën mes banorëve.

Shkak për përplasjen u bë një situatë gjatë mbrëmjes, kur Eriku nuk u ul te krevati i Mirit, por lejoi Kejsin të shkonte pranë tij. Ky veprim u interpretua nga Miri si provokim dhe u pasua menjëherë nga reagime të ashpra.

“Bravo të qoftë për këtë lëvizje që bëre, por kujdes se të gjykojnë ata njerëzit që ke jashtë”, iu drejtua Miri Erikut.

Nga ana e tij, Eriku u përpoq ta relativizonte situatën duke thënë: “Kjo është lojë, mos e merr personale”.

Debati u ashpërsua edhe më tej, kur Miri shpërtheu: “Je një kloun cirku”, ndërsa Eriku iu përgjigj shkurt: “Pranoje lojën”.

Përplasja vazhdoi me tone edhe më të forta. “Ma bëre me sy dje dhe më the më duket kjo loja, je një kloun cirku”, vijoi Miri, ndërsa Eriku u përgjigj: “Faleminderit, mendimi jot”.

Në kulmin e debatit, Miri u shpreh: “Faleminderit shumë, jeni të dy njësoj. Sa më afër t’ju mbash juve aq më keq është. Mbaje mend këtë që ke bërë, Riku, Erik Lloshi. Mbaje mend këtë që ke bërë. Po tu betova ti e di shumë mirë, se di shumë gjëra, kaq”.

Kur Eriku e pyeti drejtpërdrejt se çfarë dinte, Miri refuzoi të japë përgjigje, duke e lënë debatin të hapur dhe duke shtuar tensionin në shtëpi.

Përplasja mes dy konkurrentëve u kthye në një nga momentet më të forta të mbrëmjes dhe pritet të ndikojë në raportet e tyre dhe në dinamikat e lojës në vijim.