Tre persona në pranga dhe dy në kërkim ka qenë bilanci i arrirë nga goditja e një rasti për kalimin e emigrantëve të paligjshëm të kufirit dhe një tjetër për kultivim kanabisi në Tiranë. Policia bën me dije se në banesën e një prej të arrestuarve, Erzen Prendit, u gjetën 9 emigrantë që do transportoheshin drejt kufirit me Malin e Zi ndërsa në banesë iu gjetën 114 kubikë fara kanabisi gati për kultivim. Si rezultat i operacionit u bë i mundur arrestimi i Erzen Prendi, Beqir Hasani dhe Anisa Ramajt. Emigrantët janë nën hetim në gjendje të lirë. Policia e Tiranës ka sekuestruar 114 kubikët, 2 automjete që përdoreshin për transportimin e emigrantëve dhe 2 aparate celulare.

Nga veprimet hetimore, policia konstatoi se në bashkëpunim me njëri-tjetrin, këta 3 të rinj në bashkëpunim me njëri-tjetrin ushtronin veprimtarinë kriminale e dhënies ndihmë të emigrantëve për të kaluar kufirin kundrejt pagesës.
Ata transportonin emigrantë të paligjshëm, nga Saranda në Tiranë, i strehonin disa ditë në Pezë Helmës dhe më pas i transportonin ata drejt kufirit me Malin e Zi, kundrejt pagesës, me qëllim kalimin në vendet e BE-së. Materialet i kaluan Prokurorisë, për veprime të mëtejshme procedurale.