Policia e Kamzës ka arrestuar në flagrancë një 51-vjeçar, i cili mbante armë zjarri pa leje në banesën e tij.

Sipas njoftimit zyrtar, prangosja u realizua pas marrjes së informacionit se shtetasi me iniciale A.P. posedonte armë në rrugën “Besim Cera”. Shërbimet e policisë ushtruan kontroll në banesën e tij, ku gjetën dhe sekuestruan një pistoletë si dhe municion luftarak.

Armët dhe municioni ishin fshehur brenda ambientit të banimit, ndërsa 51-vjeçari u vu menjëherë në pranga për veprën penale të “Mbajtjes pa leje të armëve dhe municionit”.

Materialet procedurale dhe provat e sekuestruara i janë referuar Prokurorisë për hetime të mëtejshme.