Katër shqiptarë janë arrestuar nga policia britanike në Thames Valley dhe rrezikojnë të deportohen për në Shqipëri.

Mediat vendase bëjnë me dije se policia ndaloi një “Benz” pasi rezultonte i pa regjistruar.

Policia i bëri shoferit një test të shpejtë droge dhe rezultoi pozitive, pasi shoferi kishte marrë kokainë.

Dy prej shqiptarëve kishin mbërritur në Mbretërinë e Bashkuar të fshehur në pjesën e pasme të një kamioni, ndërsa njëri prej tyre ishte arrestuar më parë për shkelje të imigracionit dhe kërkesa e shoferit për imigracionin ishte refuzuar.

Të katërt po mbahen në qeli në pritje të vendimit ndaj tyre.