Operacioni policor i koduar “IKONAT” ka rezultuar në arrestimin e dy shtetasve të dyshuar për trafikimin e veprave të artit nga parqet arkeologjike.

Shtetasit P. L., 53 vjeç, nga Fieri, dhe E. Ç., 56 vjeç, nga Lushnja, u kapën në flagrancë në vendin e quajtur “Bishti i Zhurit”, Rrogozhinë. Gjatë kontrollit të automjetit të tyre, u zbuluan 13 statuja dhe ikona të ndryshme të artit.Specialistët e Seksionit për Hetimin e Trafiqeve të Paligjshme të DVP Durrës, në bashkëpunim me masat e përcaktuara në planin operacional kombëtar “Sundimi i ligjit”, organizuan dhe finalizuan operacionin. Sipas hetimeve, dy shtetasit, duke bashkëpunuar me njëri-tjetrin, trafikonin veprat e artit dhe kulturës. Shtetasi P. L., i punësuar pranë parqeve arkeologjike, siguronte statujat dhe ikonat në qytetet Fier, Berat, dhe Gjirokastër dhe pastaj i trafikonte me ndihmën e shtetasit E. Ç.Një pjesë e veprave të artit u shisnin shtetasve të huaj nga Italia, Greqia dhe Mali i Zi, për një vlerë që varionte nga 10,000 deri në 20,000 euro. Dy shtetasit janë në pranga dhe materialet procedurale janë kaluar Prokurorisë për veprime të mëtejshme.